نوجوانوں کا زراعت میں دلچسپی لینا خوش آئند ہے، فواد چوہدری

وفاقی وزیر سائنس اینڈ ٹیکنالوجی فواد چوہدری نےکہا ہے کہ نوجوانوں کا زراعت میں دلچسپی لینا بہت خوش آئند ہے۔
سماجی رابطے کی ویب سائٹ پر جاری بیان میں فواد چوہدری نےکہا کہ رواں برس فیصل آباد زرعی یونیورسٹی کو پچھلے سال کی نسبت 50 فیصد زیادہ داخلے کی درخواستیں آئی ہیں۔
انہوں نے کہا کہ ملک کی دیگر زرعی یونیورسٹیز میں بھی داخلے کے لیے نوجوانوں کی دلچسپی بڑھی ہے۔
وفاقی وزیر نے مزید کہا کہ تعلیم یافتہ اور جدید ٹیکنالوجی سے لیس کسان پاکستان کی زراعت کو تبدیل کردے گا۔