عمران خان اوچھے ہتھکنڈوں پراترآئے ہیں۔بلاول بھٹو

چیئرمین پیپلزپارٹی بلاول بھٹو زرداری نے اپوزیشن لیڈر شہبازشریف کی گرفتاری کی مذمت کرتے ہوئے کہاہے کہ پاکستان ڈیموکریٹک موومنٹ سے بوکھلائے ہوئے عمران خان اوچھے ہتھکنڈوں پراترآئے ہیں ،اپوزیشن کو نشانہ بنانے سے عوامی مزاحمت کا راستہ نہیں رک سکتا،حکومت نے جو کرنا ہے کرلے،پاکستان ڈیموکریٹک موومنٹ کا سفر نہیں رکے گا۔

بلاول بھٹو زرداری نے کہاکہ اپوزیشن سے وابستہ سیاستدانوں کو نوٹس بھیجنا گرفتارکرنا عمران خان کی بوکھلاہٹ کا ثبوت ہے ،چیئرمین پیپلزپارٹی نے مطالبہ کیا کہ وفاقی حکومت فی الفور اپوزیشن لیڈر شہبازریف کو رہا کرے ۔

بلاول بھٹو زرداری نے کہاکہ عمران خان نیب کو سیاسی انتقام کیلیے استعمال کرنا بند کریں، مفرور ڈکٹیٹر جس پر سنگین الزامات ہیں اسے نوٹس بھیجاجاتا نہ گرفتارکیا جاتا ہے،انہوں نے کہا کہ عمران خان کی ہمشیرہ معاونین خصوصی پر سنگین الزامات ہیں مگرانہیں نیب طلب نہیں کرتا۔

انہوں نے کہاکہ اپوزیشن کے سیاست دانوں کو نشانہ بنانے سے عوامی مزاحمت کا راستہ نہیں رک سکتا،حکومت نے جو کرنا ہے کرلے،پاکستان ڈیموکریٹک موومنٹ کا سفر نہیں رکے گا۔