نوشہرہ ۔پرانا مارٹرگولہ پھٹنے سے 5 افراد جاں بحق

نوشہرہ کے علاقے اکبر پورہ کے کیمپ کورونا میں پرانا مارٹرگولہ پھٹنے سے 5 افراد جاں بحق اور ایک شخص زخمی ہوگیا۔

ابتدائی اطلاعات کے مطابق وقوعہ مقامی لوگوں کو دریا کنارے سے ملنے والے مارٹر گولے کو کباڑ میں بیچنے کے دوران پیش آیا۔،وقوعہ کے فوراً بعد پولیس موقع پر پہنچ گئی۔متاثرہ جگہ کو شواہد اکھٹا کرنے کیلیے محفوظ کرلیا گیا۔

ڈسٹرکٹ پولیس افیسر کیپٹن (ر) نجم الحسنین بھی پولیس افسران کے ساتھ موقع پر پہنچ گئے ہیں۔ انہوں نے کہا کہ حالات واقعات کا جائزہ لینے کے بعد واضح ہوگا کہ مارٹر گولہ پھٹنے کے اصل محرکات کیا تھے۔

واقعے میں  ہدایت اللہ ولد روح الامین،مکرم ،فرید اللہ پسران زیور شاہ ساکنان زخی میانہ ،حضرت اللہ ولد سردار اور شفقت ولد کرامت ساکن کیمپ کورونا جاں بحق جبکہ، قیصر ولد فرحان ساکن زخی میانہ زخمی ہو گیا۔