نیب ایک آنکھ سے اندھا ہے۔احسن اقبال
حکمرانوں سے نجات تک ہماری جدوجہد جاری رہے گی۔ میڈیا سے گفتگو
یہ حکومت جعلسازی سے آئی ہے ہر کام میں جعلسازی کرتی ہے ۔فائل فوٹو
مسلم لیگ ن کے سیکریٹری جنرل احسن اقبال کا کہنا ہے کہ نیب کو سیاسی انتقام کے لیے استعمال کیا جا رہا ہے، قومی احتساب بیورو ایک آنکھ سے محروم ہے اسے صرف اپوزیشن نظرآتی ہے، اس کی حکومت کو دیکھنے والی آنکھ اندھی ہوچکی ہے، حکمرانوں سے نجات تک ہماری جدوجہد جاری رہے گی۔
پاکستان مسلم لیگ نون کے رہنما احسن اقبال نے میڈیا سے گفتگو کرتے ہوئے کہا کہ حکومت سے نجات تک ہماری جدوجہد جاری رہے گی، کوئٹہ سے احتجاجی تحریک کا آغازکریں گے، حکومت نے معیشت تباہ کردی، نیب کو سیاسی انتقام کیلیے استعمال کیا جا رہا ہے، اے پی سی کے بعد نیب نے کارروائیاں تیزکر دی ہیں جو قابل مذمت ہیں۔
احسن اقبال نے کہاکہ حکومت کا احتساب انتقامی کارروائی ہے یہ صرف اپوزیشن کو دبانے کیلیے ہے۔حکومت ہرمحاذ پرناکام ہو چکی ہے،مہنگائی نےعوام کا جینا دو بھرکردیا ہے۔