بابری مسجد شہادت کیس۔پاکستان نے بھارتی عدالت کا فیصلہ شرم ناک قرار دیدیا

پاکستان نے  بابری مسجد شہید کرنے والے ملزمان کی رہائی کی شدید مذمت کرتے ہوئے  بھارتی عدالت کے فیصلے کو شرم ناک قرار دیدیا۔

ترجمان دفترخارجہ زاہد حفیظ چوہدری نے بابری مسجد شہید کرنے کے ملزمان کی رہائی کی شدید مذمت کرتے ہوئے کہا کہ بھارتی عدالت کے فیصلے سے بھارت سمیت دنیا بھر کے مسلمانوں کی دل آزاری ہوئی۔ مسجد شہید کرنے کے نتیجے میں بی جے پی کے زیرقیادت فرقہ وارانہ تشدد ہوا ۔ تشدد کے نتیجے میں ہزاروں افراد ہلاک ہوئے۔

ترجمان دفترخارجہ نے کہا کہ نام نہاد جمہوریت میں اںصاف کی علامت ہوتی تو سرعام مجرمانہ فعل پر فخرکرنے والوں کو آزاد نہیں کیا جاسکتا تھا ۔ بی جے پی کی ہندو نواز حکومت اقلیتوں کو روز اول سے نشانہ بنا رہی ہے۔ بی جے پی نے پلاننگ کے تحت ہندو رائے عامہ کو بھڑکانے کے لیے رتھ یاترا کی تھی۔

واضح رہے کہ آج لکھنئو میں خصوصی بھارتی عدالت نے بابری مسجد شہادت کیس کا فیصلہ سنا دیا ہے جس میں تمام ملزمان کو بری کردیا گیا ہے۔