گونگے اور بہرے ایک دوسرے کیخلاف ریلیاں نکال رہے ہیں۔فاروق ستار

ایم کیوایم بحالی کمیٹی کے سربراہ فاروق ستار نے کہا ہے کہ ساری جماعتیں آپس میں ملی ہوئی ہیں، کراچی اور حیدر آباد میں ریلیاں نکل رہی ہیں ایک گونگے ہیں 4 سال سے بولے نہیں تو دوسرے بہرے ہیں ۔

فاروق ستارنے کراچی میں سماجی تنظیم کی جانب سے کڈنی ہل پارک بہادر آباد میں شجر کاری مہم میں بطور مہمان خصوصی شرکت کی اور میڈیا سے بات چیت کی۔

فاروق ستار کا میڈیا سے بات کرتے ہوئے کہنا تھا کہ کراچی اورحیدر آباد میں گونگے اور بہرے ایک دوسرے کیخلاف ریلیاں نکال رہے ہیں،ایک گونگے ہیں 4 سال سے بولے نہیں تو دوسرے بہرے ہیں جو  کسی کی بات سنتے نہیں ۔