100 سال تک مہمانوں کو خوش آمدید کہنے والا ہوٹل بند

انتظامیہ نے پی آئی اے کی ملکیت تاریخی روز ویلٹ ہوٹل بند کرنے کا اعلان کردیا۔

نیو یارک میں واقع پی آئی اے کی ملکیت روز ویلٹ ہوٹل کو بند کرنے کا پیغام ہوٹل کی ویب سائٹ پر جاری کردیا گیا ہے اور کہا گیا ہے کہ ہوٹل کے آپریشنز 31 اکتوبر سے مستقل بنیادوں پر بند کردیے جائیں گے۔

پیغام میں کہا گیا ہے کہ’’موجودہ مالی مشکلات کے باعث 100 سال تک مہمانوں کو خوش آمدید کہنے کے بعد’دی گرینڈ ڈیم آف نیو یارک‘ دی روز ویلٹ ہوٹل انتہائی دکھ کے ساتھ اپنے دروازے 31 اکتوبر2020 سے مستقل طور پر بند کر رہا ہے۔‘‘