معاہدے پرعمل نہ ہوا تو قانونی کارروائی کریں گے۔راجہ بشارت

وزیرقانون راجہ بشارت نے کہا پی ڈی ایم کی خواہش پر جلسے کی اجازت دی گئی، جلسے پر معاہدے کے مطابق عمل نہ ہوا تو قانونی کارروائی کریں گے۔

راجہ بشاورت کا کہنا تھا کہ تحریری معاہدہ کرکے گرفتاریوں کا پروپیگنڈا کیا جا رہا ہے، دعویٰ کیا جا رہا ہے کہ جلسہ گاہ میں لاکھوں لوگ جمع ہوں گے، چرچہ کیا جا رہا ہے کہ یہ پنجاب کی تاریخ کا سب سے بڑا جلسہ ہوگا، اگرکوئی سمجھتا ہے کہ 30 ہزارکی گنجائش والے اسٹیڈیم میں جلسہ کرکے تاریخ کا بڑا جلسہ قرار دے گا، یہ اس کی خام خیالی ہے۔