ہمارا مقابلہ عمران خان سے ہے ہی نہیں۔مریم نواز

سلم لیگ ن کے نائب صدر مریم نواز نے کہا ہے کہ ہمارا مقابلہ عمران خان سے ہے ہی نہیں ، بڑوں کی لڑائی میں چھوٹوں کا کوئی کام نہیں۔

جاتی امرا سے ائرپورٹ روانگی کے موقع پر مریم نواز نے میڈیا سے گفتگو کرتے ہوئے کہا کہ یہ تحریک فیصلہ کن ہے۔ ہم پہلے بھی وی آئی پی طریقوں سے جیلوں میں نہیں رہے ۔انہوں نے کہا کہ حکومت کو چند دن میں سب کچھ دکھائی دینا شروع ہو جائے گا۔

مریم نواز نے کہا کہ عمران خان ہمارے مقابلے میں ہیں ہی نہیں اور ہم کسی سے خوفزدہ نہیں ہیں۔ بڑوں کی لڑائی میں چھوٹوں کا کوئی کام نہیں۔

انہوں نے کہا کہ وزیراعظم کی کل کی تقریر ایک ہارے ہوئے شخص کی تقریر تھی۔ نواز شریف کے مخاطب تو عمران خان تھے ہی نہیں جبکہ نواز شریف نے عمران خان کو کھیل سے باہر رہنے کا مشورہ دیا تھا۔