مزار قائد کے تقدس کی پامالی۔ پولیس نے کیپٹن (ر) صفدر کو گرفتارکرلیا

مزارقائد کے تقدس کی پامالی کے کیس میں کراچی پولیس نے نجی ہوٹل پر چھاپہ مارکر لیگی رہنما کیپٹن (ر) صفدرکو گرفتارکرلیا۔

پاکستان مسلم لیگ نون کی رہنما مریم نواز نے سماجی رابطے کی ویب سائٹ پر ٹویٹ کرتے ہوئے کہا پولیس نے کمرے کا دروازہ توڑ کر شوہر کو حراست میں لے لیا، پولیس کیپٹن (ر) صفدر کو گاڑی میں بٹھا کر تھانے لے گئی۔

Police broke my room door at the hotel I was staying at in Karachi and arrested Capt. Safdar.

— Maryam Nawaz Sharif (@MaryamNSharif) October 19, 2020

ایک صارف نے مریم نواز کے ہوٹل کے کمرے کی ویڈیو بھی شیئر کی ہے۔ دونوں سیاسی رہنما پاکستان ڈیمو کریٹک موومنٹ (پی ڈی ایم) کے جلسے میں شرکت کے لیے کراچی آئے تھے۔

کیپٹن (ر) صفدر نے گرفتاری کے بعد ووٹ کو عزت دو، مادر ملت زندہ باد اورایوبی مارشل لا مردہ باد کے نعرے بھی لگائے۔

کراچی ہوٹل کا کمرہ توڑ کر کپٹین صفدر ,صاحب کو گرفتارکیا گیا pic.twitter.com/OksabWLDvp

— Zeeshan Malik (@ZeshanMalick) October 19, 2020

تھانہ بریگیڈ کی انویسٹی گیشن پولیس کی جانب سے یہ کارروائی عمل میں لائی گئی ہے۔ پی ٹی آئی رہنماؤں نے مریم نواز، ان کے شوہر کیپٹن صفدر سمیت مسلم لیگ (ن) کے 200 سے زائد کارکنوں کیخلاف مزار قائد کی بے حرمتی کا مقدمہ درج کرایا ہے۔

تحریک انصاف کے رہنما خرم شیر زمان ، علیم عادل شیخ ، راجہ اظہر اور دیگر مزار قائد کا تقدس پامال کرنے پر پاکستان مسلم لیگ ن کی رہنما مریم نواز ، ان کے شوہر کیپٹن ریٹائرڈ صفدر اور دیگر کے خلاف مقدمہ درج کرانے بریگیڈ تھانے پہنچے تھے۔ پہلے پہل پولیس نے مقدمہ درج کرنے سے انکار کیا تو پی ٹی آئی رہنماؤں و کارکنان نے تھانے کے باہر دس گھنٹے سے زائد احتجاج کیا جس کے بعد مقدمہ درج کیا گیا۔

کیپٹن ریٹائرڈ صفدر کو کراچی میں ہوٹل سے گرفتار کر لیا گیا
صفدر اعوان نے مزار قائد پر سیاسی نعرہ لگائے تھے#CapSafdar#Karachi pic.twitter.com/Tbw2yBTwvO

— Mughees Ali (@mugheesali81) October 19, 2020