ملک میں سونا پھر مہنگا

ملک میں سونے کی قیمت میں اتار چڑھاؤکا سلسلہ جاری ہے اور فی تولہ سونا ایک بار پھر 500 روپے مہنگا ہوگیا ہے۔
سندھ صرافہ بازار جیولرز ایسوسی ایشن کے مطابق سونے کی فی تولہ قیمت 500 روپے اضافے سے ایک لاکھ 16 ہزار 200 روپے ہوگئی ہے۔
10گرام سونے کی قدر 429 روپے کے اضافے کے ساتھ99 ہزار623 روپے ہوگئی ہے۔
ایسوسی ایشن کے مطابق عالمی صرافہ مارکیٹ میں سونےکی فی اونس قدر 13 ڈالر اضافے سے ایک ہزار 918 ڈالر ہے۔