فرانسیسی صدر نے مسلمانوں کے جذبات کو مجروح کیا۔ عمران خان

وزیراعظم عمران خان نے کہاہے لی لیڈر کی پہنچان یہ ہوتی ہے کہ وہ لوگوں کو متحد کرتاہے ، فرانسیسی صدر میکران کو انتہا پسندوں کو موقع نہیں دینا چاہیے تھا ۔

وزیراعظم عمران خان نے پیغام جاری کرتے ہوئے کہا کہ لیڈر کی پہنچان یہ ہوتی ہے کہ وہ لوگوں کو متحد کرتا ہے ، نیلسن منڈیلا نے لوگوں کو تقسیم کرنے کی بجائے متحد کیاہے ۔ ان کا کہناتھا کہ فرانسیسی صدر میکران کو انتہا پسندوں کو موقع نہیں دینا چاہیے تھا ۔

عمران خان کا کہناتھا کہ فرانسیسی صدر کو دنیا کو تقسیم کرنے کی بجائے معاملات کو حل کرناچا ہیے تھا ، دنیا کو تقسیم کرنے سے انتہا پسندی مزید بڑھے گی ، توہین آمیز خاکوں کے ذریعے اسلام پر حملے لاعلمی کا نتیجہ ہے ۔

وزیراعظم کا کہناتھا کہ فرانسیسی صدر نے یورپ سمیت دنیا بھر کے کروڑوں مسلمانوں کے جذبات کو مجروح کیا ہے ۔