مریم نوازاوربلاول بھٹو کے درمیان آج بڑی بیٹھک ہوگی

 میڈیا رپورٹس کے مطابق مسلم لیگ ن کی نائب صدر مریم نوازنے بلاول بھٹو سے ملاقات کیلیے وقت مانگ لیاہے، ن لیگ ذرائع کاکہناہے کہ آج شام 6 بجے ملاقات کیلیے وقت دیا جائے ، پیپلزپارٹی نے جواب دیتے ہوئے کہاہے کہ بلاول بھٹو نے آج مختلف مقامات پرکارنر میٹنگز سے خطاب کرنا ہے،کل ملاقات ہو سکتی ہے ،ن لیگ ذرائع کاکہناہے کہ مریم نوازکی کل دن 12 بجے گلگت سے واپسی ہے۔

مسلم لیگ ن کی ترجمان مریم اورنگزیب نے تصدیق کرتے ہوئے کہاہے کہ مریم نوازاوربلاول بھٹو کی ملاقات آج ہوگی،انتخابی مہم کے دوران مریم نواز نے بلاول بھٹو کو چائے پرآج مدعو کیا،دونوں پارٹیوں کے قائدین بھی آج شام چائے کی دعوت میں شریک ہوں گے۔

پیپلزپارٹی کی طرف سے شیری رحمان، بیرسٹر مصطفی نواز کھوکھر ملاقات میں شریک ہوں گے جبکہ ن لیگ کی جانب سے شاہد خاقان عباسی، احسن اقبال،پرویز رشید اورمریم اورنگزیب ملاقات میں شریک ہونگی ۔

گلگت بلتستان انتخابی مہم کے موقع پر دونوں جماعتوں کے رہنما ایک ہی ہوٹل میں قیام پذیر ہیں ،ملاقات میں ملک کی مجموعی صورتحال پر تبادلہ خیال ہوگا،اس کے علاوہ مستقبل کی حکمت عملی اور گلگت بلتستان انتخابات کے حوالے سے تبادلہ خیال ہوگا۔