پی ڈی ایم کے دواجلاس ملتوی کردیے گئے

اپوزیشن اتحاد پاکستان ڈیموکریٹک مومنٹ (پی ڈی ایم) کے اجلاس ملتوی کردیے گئے۔

ترجمان پی ڈی ایم افتخار حسین کے مطابق اسٹیئرنگ کمیٹی کا اجلاس 13 کے بجائے 16 نومبر کو ہوگا، جبکہ پارٹی سربراہان کا اجلاس 14 کے بجائے 17 نومبرکوہوگا۔

افتخار حسین کے مطابق اجلاسوں میں پی ڈی ایم کے چارٹر پرغوراور حتمی شکل دی جائے گی۔ پی ڈی ایم کی تحریک کو مزید فعال بنانے کیلیے موثر لائحہ عمل تیار کیا جائے گا۔

خیال رہے کہ گزشتہ ہفتے پی ڈی ایم  نے خیبر پختونخوا کے دارالحکومت پشاور میں جلسے  کے لیے ضلعی انتظامیہ کو باقاعدہ درخواست دی تھی۔