Ummat News Latest Urdu News in Pakistan Politics Headlines Videos
سی ٹی ڈی سول لائن اور حساس ادارے نے مشترکہ کارروائی کرکے 2 انتہائی مطلوب دہشتگردوں کو گرفتارکرلیا۔
سی ٹی ڈی اور حساس ادار نے کراچی کے علاقے سائٹ ایریا نورس چورنگی کے قریب کارروائی کی جس میں کالعدم سپاہ محمد کے 2 دہشتگردوں کو مقابلے کے بعد گرفتارکرلیا گیا۔
انچارج سی ٹی ڈی کراچی مظہر مشوانی کے مطابق ملزمان میں آغا حسن اور سید محمد علی رضا نقوی شامل ہیں جن کے قبضے سے 2 نائن ایم ایم پستول اور30 بور بمعہ 6 راؤنڈز برآمد ہوئے۔
انچارج سی ٹی ڈی کے مطابق ملزمان کے دو ساتھی کرارعلی اور سید اوسط علی رضوی موقع سے فرارہونے میں کامیاب ہوگئے،گرفتارملزمان 5 افراد کی ٹارگٹ کلنگ میں ملوث ہیں۔
انچارج سی ٹی ڈی کراچی نے بتایا کہ سپاہ محمد کا سلیپر سیل ملزم اوسط علی کی زیرنگرانی کام کررہا تھا،۔اوسط علی ٹارگٹ کی ریکی کرواتا اور پھر گروہ کے شوٹرز سے ٹارگٹ کرواتا،سلیپر سیل میں شامل شوٹرزکو 25 ہزار روپے ماہانہ معاوضہ دیا جاتا تھا۔
