الیکشن کمیشن ووٹ کی پولنگ اورگنتی یقینی بنائے۔ بلاول بھٹو

چیئرمین بلاول بھٹو زرداری نے ٹویٹر پیغام میں کہا کہ انتخابات میں اہل گلگت بلتستان کا جوش جمہوریت کیساتھ ان کی وابستگی کا عہد ہے،الیکشن کمیشن کو چاہے عوام کے ان جذبات کو ملحوظ خاطر رکھے۔ الیکشن کمیشن اس بات کو یقینی بنائے کہ ایک ایک ووٹ کاسٹ ہواورایک ایک ووٹ کا شمار ہو۔

گلگت بلتستان میں آج ہونے والے الیکشن میں پاکستان تحریک انصاف (پی ٹی آئی)، پیپلزپارٹی (پی پی) اور مسلم لیگ ن میں کانٹے کا مقابلہ ہے۔ ووٹرز بھی اپنی اپنی پارٹی کی جیت کیلیے سرگرم ہیں۔ سیاسی جماعتوں نے گلگت بلتستان میں بھرپورانتخابی مہم چلائی، حکمران جماعت پی ٹی آئی، پی پی اور نواز لیگ نے جلسے، ریلیوں اور کارنرمیٹنگز میں خوب جان ماری، امیدواروں نے بھی کامیابی کے دعوے کردیئے۔ چیف الیکشن کمشنر کا کہنا ہے کہ مثالی انتخابات کروا کر تاریخ رقم کردینگے۔