دو سابق وزرائے اعلیٰ شکست کھا گئے

گلگت بلتستان الیکشن میں پیپلز پارٹی اور مسلم لیگ ن سے تعلق رکھنے والے دونوں سابق وزرائے اعلیٰ کو شکست کا سامنا ہے۔

نجی ٹی وی کے مطابق پیپلز پارٹی سے تعلق رکھنے والے سید مہدی شاہ کو پی ٹی آئی کے ہاتھوں شکست ہوچکی ہے۔ انہوں نے جی بی ایل اے 7 اسکردو ون  سے انتخابات میں حصہ لیا تھا۔ یہاں تحریک انصاف کے راجہ زکریا خان 5290 ووٹ لے کر کامیاب قرار پائے ہیں جبکہ غیر حتمی اور غیر سرکاری نتائج کے مطابق پیپلز پارٹی سے تعلق رکھنے والے سابق وزیراعلیٰ گلگت  بلتستان سید مہدی شاہ  4114  ووٹ لے کر دوسرے نمبر پر رہے۔

نجی ٹی وی کے مطابق حال ہی میں 5 سال تک اقتدارکا مزہ لوٹنے والے مسلم لیگ ن کے سابق وزیراعلیٰ حافظ حفیظ الرحمان اپنے حلقےجی بی 2 میں 2100 ووٹ لے کرتیسرے نمبر پررہے۔