عمران خان،آرمی چیف،آصف زرداری،بلاول اوردیگرکا اظہار تعزیت

وزیراعظم عمران خان اورآرمی چیف جنرل قمر جاوید باجوہ نے نوازشریف اور شہبازشریف کی والدہ کے انتقال پراظہارتعزیت کی ہے، وزیراعظم نے اپنے بیان میں کہاہے کہ اللہ مرحومہ کے درجات بلند فرمائے۔

آئی ایس پی آر کے مطابق آرمی چیف نے نواز شریف اور شہباز شریف کی والدہ بیگم شمیم اختر کے انتقال پر افسوس کا اظہارکیا ہے۔ انہوں نے کہا ’اللہ پاک مرحومہ کے درجات بلند کرے۔‘

پیپلزپارٹی کے شریک چیئرمین آصف زرداری اور چیئرمین بلاول بھٹوزرداری نے بھی نوازشریف اور شہبازشریف کی والدہ کے انتقال پراظہار افسوس کیاہے، آصف زرداری اور بلاول بھٹو نے مرحومہ شمیم اخترکی مغفرت اور بلند درجات کیلیے دعاکی،انہوں نے کہاکہ ہم آپ کے غم میں برابر کے شریک ہیں۔

وزیراعلیٰ پنجاب سردار عثمان بزدار، گورنر پنجاب چودھری سرور نے نوازشریف ،شہبازشریف کی والدہ کے انتقال پراظہار افسوس کیاہے،چوہدری شجاعت ،پرویزالٰہی اور مونس الٰہی نے بیگم شمیم اخترکے انتقال پراظہار افسوس کرتے ہوئے کہاہے کہ ہم آپ کے غم میں برابر کے شریک ہیں ،اللہ پاک یہ صدمہ حوصلے سے برداشت کرنے کی توفیق عطافرمائے۔