بختاوربھٹو کی منگنی کی تقریب شروع،محمود چوہدری بھی پہنچ گئے

بختاور بھٹو کی منگنی کی تقریب کی بلاول ہاوس کراچی میں شروع ہوچکی ہے۔ تقریب سے کچھ دیر قبل دولہا محمود چوہدری بھی پہنچ گیا۔ سابق صدر آصف علی زرداری اور فریال تالپور مہمانوں کو خوش آمدید کہنے کیلئے میں موجود ہیں جبکہ بلاول بھٹو کرونا وائرس کا ٹیسٹ مثبت آنے کے باعث آئسولیٹ ہوگئے ہیں۔ بختاوربھٹو کی سہیلیاں بھی تقریب میں شریک ہیں۔ بلاول ہاؤس کے اندر کی سیکیورٹی ایس ایس یو کے سپرد ہے جبکہ بلاول ہاؤس کے باہر کی ٹریفک کیلئے بھی نفری تعینات کردی گئی ہے۔ اطراف میں صفائی ستھرائی کا عملہ بھی متحرک کردیا گیا ہے۔