انور مقصود کے ساتھ ’گاندھی‘ کے روپ میں کون ہے؟پہچانیں

پاکستان کے نامور مزاح نگار انور مقصود کے ساتھ ایک اداکار کی سوشل میڈیا پر تصویر سامنے آئی جس میں وہ گاندھی کا روپ دھارے ہوئے ہیں۔

گاندھی کا روپ دھارے انور مقصود سے ملاقات کرتے یہ تصویر کسی اور کی نہیں بلکہ یاسر حسین کی ہی ہے جو گاندھی جیسا لباس پہنے اور حلیہ بنائے انور مقصود سے ملاقات کے لیے ان کے سر پر کھڑے ہیں۔

تصویرکے کیپشن میں یاسر حسین نے لکھا کہ’انور مقصود کے ساتھ میں بطور گاندھی جی‘۔

خیال رہے کہ معروف ڈرامہ نویس، مزاح نگار اور میزبان انور مقصود نے کامیڈین اداکار یاسر حسین کے ساتھ معروف کامیڈی شو ’لوز ٹاک‘‘ کے طرز پر مزاحیہ پروگرام شروع کیا ہے جس کی پہلی قسط گزشتہ ماہ نومبر میں ریلیز کی گئی تھی۔