1500 پاکستانیوں کوسعودی عرب چھوڑنے کے احکامات جاری

سعودی عرب نے 1500 پاکستانیوں کو ڈی پورٹ کرنے کے احکامات جاری کردیے ،وفاقی کابینہ نے ڈی پورٹ ہونے والے پاکستانیوں کانوٹس لیتے ہوئے ایوی ایشن ڈویژن کو ہدایت جاری کردیا۔

نجی ٹی وی کے مطابق وزیراعظم نے ڈی پورٹ ہونے والے پاکستانیوں کو وطن واپس لانے کی ہدایت جاری کردی،فلائٹس کی عدم دستیابی کی وجہ سے 1500 پاکستانیوں کووطن واپس نہیں لایا جاسکا۔

وزیراعظم نے ایوی ایشن ڈویژن کو وزارت خارجہ اور اوورسیز پاکستانیز کی مدد سے پلان تیار کرنے کی ہدایت کردی۔

معاون خصوصی زلفی بخاری نے کہاہے کہ غیرقانونی طور پر مقیم پاکستانیوں کو ڈی پورٹ کیاگیاہے، 1500 پاکستانی سعودی عرب میں ڈیپورٹیشن سینٹر میں موجود ہیں ،اخراجات کون اداکرےگا؟اس حوالے سے ایوی ایشن ڈویژن نے وزارتوں سے مشاورت شروع کردی۔