وزیراعلیٰ سندھ کے مشیرکرونا سے انتقال کرگئے

وزیراعلیٰ سندھ کے مشیر سید اعجاز شاہ شیرازی کورونا وائرس کے باعث انتقال کرگئے ۔

نجی ٹی وی کے مطابق سید اعجازعلی شاہ شیرازی کورونا وائرس کے باعث کراچی کے ہسپتال میں زیرعلاج تھے جہاں وہ کچھ عرصہ سے انتہائی نگہداشت کے وارڈ میں داخل تھے تاہم آج وہ دنیا سے رخصت ہو گئے ہیں ۔سید اعجازعلی شاہ شیرازی وزیراعلیٰ کے مشیر برائے سماجی بہبود تھے ۔ مشیرکے انتقال پر وزیراعلیٰ سندھ مراد علی شاہ کی جانب سے افسوس کا اظہارکیاگیا ہے ۔

چیئرمین پیپلز پارٹی بلاول بھٹو زرداری اور وزیراعلیٰ سندھ مراد علی شاہ نے اعجاز شاہ شیرازی کے انتقال پر گہرے دکھ اورافسوس کا اظہار کرتے ہوئے ان کے درجات کی بلندی کے لیے دعا کی ہے۔