لاہورکے 13 دسمبر کے جلسے سے قبل بڑی بیٹھک

لاہور کے 13 دسمبر کے جلسے سے قبل بڑی بیٹھک ہو گئی ، بلاول بھٹو زرداری ن لیگ کی نائب صدر مریم نوازشریف سے ملاقات کیلیے وفد کے ہمراہ جاتی امراپہنچ گئے ہیں ۔

تفصیلات کے مطابق بلاو ل بھٹو زرداری گزشتہ روز ہی لاہور پہنچے ، جاتی امراءمیں پیپلز پارٹی کے چیئرپرسن بلاول بھٹو نے مریم نواز سے بیگم شمیم اختر کے انتقال پر تعزیت کی اورفاتحہ خوانی بھی کی ۔

ملاقات کے دوران دونوں رہنماﺅں نے 13 دسمبر کے جلسے اور ملکی سیاسی صورتحال پر گفتگو بھی کی ، اس موقع پر بلاول بھٹو کے ہمراہ یوسف رضا گیلانی ، شیریں رحمان اور قمر زمان قائرہ بھی موجود تھے جبکہ ن لیگ کے وفد میں پرویز رشید ، احسن اقبال ، محمد زبیر اور مریم اورنگزیب شامل تھی۔