پیراگون ہائوسنگ ریفرنس۔ نیب گواہ کی عدم حاضری پروارنٹ گرفتاری جاری

احتساب عدالت نے خواجہ برادران کیخلاف پیراگون ہائوسنگ ریفرنس میں نیب گواہ اقصیٰ جمیل کی عدم حاضری پروارنٹ گرفتاری جاری کردیے۔

احتساب عدالت میں خواجہ برادران کیخلاف پیراگون ہاؤسنگ ریفرنس پرسماعت ہوئی،احتساب عدالت کے جج جواد الحسن نے سماعت کی ،خواجہ سعداورسلمان رفیق نے عدالت پیش ہوکرحاضری مکمل کرائی۔

پراسیکیوٹرنے کہاکہ نیب گواہ کی مصروفیات سے ایل ڈی اے کوآگاہ کردیا،جج احتساب عدالت نے کہاکہ نیب گواہ عدالت میں پیشی کوسنجیدہ نہیں سمجھتا،نیب گواہ اقصیٰ جمیل کی عدم حاضری پروارنٹ گرفتاری جاری کرد یے گئے،عدالت نے سماعت 18 دسمبرتک ملتوی کردی۔