ریلوے حکام نےٹرین ڈرائیور پراسمارٹ فونزاستعمال کرنے پر پابندی لگادی

ریلوے حکام نے ٹرین ڈرائیورزکے دوران سفر اسمارٹ فونز استعمال کرنے پر پابندی عائد کردی۔

ریلوے ہیڈکوارٹرزکی جانب سے اسمارٹ فونزکے استعمال پر لگائی گئی ہے ،پابندی کا نوٹی فیکیشن بھی جاری کردیا گیا ہے۔احکامات میں کہا گیا ہے کہ دوران سفر ٹرین اوراسسٹنٹ ڈرائیور اسمارٹ فونز استعمال نہیں کرسکیں گے۔

نوٹی فیکیشن میں کہا گیا ہے کہ ٹرین انجن کیبزکی تصاویراورویڈیو بنانے پر مکمل پابندی ہوگی، انجن آپریشن کی تصاویراور ویڈیوز سوشل میڈیا پراپ لوڈ کرنے پربھی پابندی ہوگی جبکہ میڈیا کو کسی قسم کی ویڈیوزاورتصاویر مہیا کرنے پر بھی پابندی ہوگی۔