نون لیگ کاقبل ازوقت سینیٹ انتخاب کی صورت میں عدالت جانے کا اعلان

مسلم لیگ (ن) نے سینیٹ کے قبل ازوقت انتخاب کی صورت میں عدالت جانے کا اعلان کردیا۔

مسلم لیگ (ن) کے رہنما رانا ثنا اللہ نے کہا کہ 11 فروری سے قبل اگرسینیٹ انتخابات کا شیڈول دیا جاتا ہے تو یہ غیرآئینی ہوگا اوراس کے لیے عدالت سے رجوع کریں گے۔

رانا ثنااللہ نے کہا کہ ہمیں الیکشن کمیشن سے کوئی ایسی امید نہیں کہ کوئی غیرقانونی اقدام اٹھایا جائیگا، اگر11 فروری کو ہی شیڈول دینا ہے تو کیا فرق پڑتا ہے کہ انتخاب 8 مارچ کے بجائے 3 مارچ کوہو، میاں جاوید لطیف جیسے دوست میڈیا میں بیان دے دیتے ہیں تاکہ پذیرائی مل جائے، اس سے زیادہ ان کی کوئی حیثیت نہیں۔

صحافی کی جانب سے سوال کیا گیا کہ کیا صرف مسلم لیگ (ن) معاملہ لے کرعدالت جائیگی یا پوری اپوزیشن، جس پررانا ثنا اللہ نے کہا کہ جب ایسا وقت آئیگا تو پوری اپوزیشن مل کرفیصلہ کریگی۔