ملک میں کورونا سے مزید62 افراد جاں بحق ہوگئے

ملک میں کورونا وائرس سے مزید62 افراد جاں بحق ہوگئے، جس کے بعد اموات کی تعداد 9 ہزار 392 ہوگئی، گزشتہ 24 گھنٹوں کے دوران سب سے زیادہ اموات پنجاب میں ہوئیں جبکہ سندھ دوسرے نمبر پر رہا، پچاس افراد ہسپتالوں میں جبکہ 12 گھروں میں چل بسے ۔ مرنیوالے 62 افراد میں سے 31 وینٹی لیٹرز پر تھے ۔ پاکستان میں کورونا کے تصدیق شدہ کیسزکی تعداد 4 لاکھ 58 ہزار 968 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران ایک ہزار 792 نئے کیسز رپورٹ ہوئے، پنجاب میں ایک لاکھ 31 ہزار 933، سندھ میں 2 لاکھ 4 ہزار 840، خیبر پختونخوا میں 55 ہزار 183، بلوچستان میں 17 ہزار926، گلگت بلتستان میں 4 ہزار 827، اسلام آباد میں 36 ہزار 257 جبکہ آزاد کشمیر میں 8 ہزار 2 کیسز رپورٹ ہوئے۔اس وقت فعال کیسز کی تعداد چالیس ہزار چارسو اکیانوے ہے ۔

ملک بھر میں اب تک 63 لاکھ 36 ہزار 113 افراد کے ٹیسٹ کئے گئے، گذشتہ 24 گھنٹوں کے دوران 34 ہزار 772 نئے ٹیسٹ کیے گئے، اب تک 4 لاکھ 9 ہزار 85 مریض صحتیاب ہوچکے ہیں جبکہ 2 ہزار 403 مریضوں کی حالت تشویشناک ہے۔

پاکستان میں کورونا سے ایک دن میں 62 افراد جاں بحق ہوئے جس کے بعد وائرس سے مرنے والوں کی تعداد 9 ہزار 392 ہوگئی۔ پنجاب میں 3 ہزار638، سندھ میں 3 ہزار 333، خیبر پختونخوا میں ایک ہزار 546، اسلام آباد میں 391، بلوچستان میں 179، گلگت بلتستان میں 99 اور آزاد کشمیر میں 206 مریض جان سے ہاتھ دھو بیٹھے۔