سانگھڑ میں مارٹر گولہ پھٹنے سے 2 افراد جاں بحق

سندھ کے ضلع سانگھڑ کے علاقے کھپرو میں مارٹرگولہ دھماکے سے پھٹ گیا جس کے نتیجے میں 2 افراد جاں بحق اور 2 زخمی ہوگئے۔
ایس ایس پی عثمان غنی کے مطاق تحصیل کھپرو کے علاقہ مورھڈی میں مقامی شہری مارٹر گولا گھر لائے تھے کہ اس دوران مارٹر گولہ دھماکے سے پھٹ گیا۔
انہوں نے بتایا کہ دھماکے میں 20 سال کا نوجوان جاں بحق جبکہ 2 خواتین اور ایک بچہ شدید زخمی ہوگئے جنہیں طبی امداد کیلئے تحصیل اسپتال کھپرو منتقل کیاگیا۔
پولیس کے مطابق اسپتال میں دوران علاج ایک خاتون بھی دم توڑ گئیں۔
پولیس کاکہناہےکہ بم ڈسپوزل اسکواڈ مارٹر گولے کا جائزہ لے رہے ہیں اور ممکن ہےکہ 65 کی جنگ میں مارٹر گولا ریت میں دبا رہ گیا ہو۔