کراچی میں چینی باشندے کی گاڑی پر فائرنگ،کوئی جانی نقصان نہیں ہوا

کراچی میں چینی باشندے کی گاڑی پر فائرنگ کا واقعہ پیش آیا ہے جس میں کوئی جانی نقصان نہیں ہوا۔
ذرائع کے مطابق موٹرسائیکل پر سوار دو مسلح افراد نے چینی باشندے کی گاڑی کو نشانہ بنایا لیکن فائر قریبی شوروم میں کھڑی گاڑیوں کو جالگے جس کے باعث چینی باشندہ محفوظ رہا۔
ذرائع کے مطابق چینی باشندے کی گاڑی پر حملے کا واقعہ سپر ہائی وے جان جاپان موٹرز کے قریب پیش آیا۔
واقعہ میں کسی جانی نقصان کی اطلاع نہیں ہے، چینی باشندہ اور ترجمان محفوظ جبکہ پولیس و رفاہی ادارے کی ٹیمیں جائے وقوعہ پر پہنچ گئیں۔