کراچی کا سب سے بڑا منشیات فروش پولیس مقابلے میں ہلاک

کراچی پولیس نے منشیات فروشی کے خلاف بڑی کامیابی حاصل کرلی۔
پولیس کو انتہائی مطلوب کراچی کا سب سے بڑا منشیات فروش دادن ابڑو سائٹ سپرہائی وے پولیس مقابلے میں مارا گیا۔
پولیس نے دو زخمیوں سمیت 8 ملزمان گرفتار کئے دادن ابڑو کی بیوی اور والدہ نے لاش شناخت کرلی۔
ہلاک ملزم سندھ پولیس کو انتہائی مطلوب تھا دادن ابڑو کے خلاف مختلف تھانوں میں 30 مقدمات درج ہیں۔ملزم قتل ،اقدام قتل، پولیس مقابلے، بھتہ خوری میں پولیس کو مطلوب تھا۔
ملزم کراچی سمیت سندھ میں منشیات فروشی کا سب سے بڑا کردار تھا28 دسمبر کو سائٹ سپرہائی وے فقیرا گوٹھ میں پولیس مقابلہ ہوا تھامبینہ مقابلے میں دو ملزمان شدید زخمی حالت میں فرار ہوئے۔
پولیس نے ملزمان کی تلاش میں جنگل کو آگ لگا دی تھی۔ پولیس کو ایک ملزم کی لاش کلاشنکوف کے ہمراہ ملی۔ ملنے والی لاش دادن ابڑو کی تھی مقابلے کے بعد پولیس نے منشیات فروشی کے متعدد اڈے بھی مسمار کردیئے۔
پولیس نے کاروائی کے دوران2کلاشنکوف ،8پستول برآمد کیے ،120کلو چرس اور 8موٹر سائکلیں بھی برآمد کرلیپولیس نے بڑی تعداد میں جی تھری گن کی گولیاں بھی برآمد کر لی