سونے کی عالمی و مقامی قیمت میں نمایاں اضافہ

کراچی: بین الاقوامی بلین مارکیٹ میں فی اونس 24 قیراط سونے کی قیمت 34ڈالر بڑھ کر 1933ڈالر کی سطح پر پہنچنے کے باعث مقامی سطح پر سونے کی قیمتوں میں نمایاں اضافہ ہوا ہے۔
صرافہ مارکیٹوں میں پیرکو فی تولہ اور فی دس گرام سونے کی قیمتوں میں بالترتیب 1300روپے اور 1114روپے کا نمایاں اضافہ ہوا جس سے فی تولہ سونے کی قیمت بڑھ کر 115600روپے اور فی دس گرام سونے کی قیمت بڑھ کر 99108روپے ہوگئی۔
دوسری جانب فی تولہ چاندی کی قیمت 80روپے بڑھ کر 1400روپے اور فی دس گرام چاندی کی قیمت 68روپے 59پیسے بڑھ کر 1200روپے 27پیسے ہوگئی۔