پولیس کو خاتون کی درخواست پر بابراعظم کیخلاف مقدمہ درج کرنے سے روکنے کا حکم

جمعہ 15 جنوری 2021, 8:59 شام اہم خبریں, قومی

لاہورہائیکورٹ نے خاتون کی درخواست پر پولیس کو کرکٹربابراعظم کیخلاف مقدمہ درج کرنے سے روک دیا۔
لاہور ہائیکورٹ نے سیشن کورٹ کا حکم معطل کردیا اور ایس ایچ او نصیرآباد اور درخواست گزار خاتون حمیزہ مختار سے 8 فروری کو جواب طلب کرلیا۔
وکیل بابر اعظم نے کہا کہ خاتون 2018 میں ہی بابر اعظم سے صلح کر کے معاملہ ختم کرچکی تھی، سیشن عدالت نے شواہد کے بغیر بابر اعظم کیخلاف مقدمہ درج کرنے کا حکم دیا۔
خیال رہے کہ گزشتہ روز سیشن کورٹ نے متعلقہ تھانے کو خاتون کا بیان ریکارڈ کرنے کا حکم دیا تھا۔