براڈ شیٹ سے فائدہ اٹھانے کے خلاف کارروائی کی جائے گی۔ شبلی فراز

وفاقی وزیر اطلاعات شبلی فرازکا کہنا ہے کہ براڈ شیٹ سے فائدہ اٹھانے اور دینے والوں کے خلاف کارروائی کی جائے گی۔

سماجی رابطے کی ویب سائٹ ٹوئٹر پر جاری پیغام میں سینیٹر شبلی فراز نے کہا کہ وزیراعظم عمران خان نے براڈ شیٹ سے متعلق امور کی تحقیقات کے لیے کمیٹی قائم کردی ہے۔ وزیراعظم کی جانب سے تشکیل دی جانے والی تین رکنی کمیٹی کا مجھے کنوینر نامزد کیا گیا ہے۔ کنوینر شپ میں قائم ہونے والی کمیٹی کے اراکین میں وفاقی وزرا فواد چوہدری اور شیریں مزاری شامل ہیں۔

براڈشیٹ معاملہ،وزیراعظم نےتین رکنی کابینہ کمیٹی تشکیل دی ہے،شبلی فراز کمیٹی کے کنوینئرہوں گےشیریں مزاری،فوادچوہدری کمیٹی میں شامل، کمیٹی کابینہ کو 48 گھنٹوں میں براڈشیٹ معاملے پر سفارشات پیش کرےگی،اس معاملے میں فائدہ دینے والے اورفائدہ اٹھانے والے تمام لوگوں کیخلاف کاروائی ہو گی۔

— Senator Shibli Faraz (@shiblifaraz) January 18, 2021

انہوں نے مزید بتایا کہ کمیٹی آئندہ 48 گھنٹوں میں رپورٹ اور سفارشات پیش کرے گی۔ براڈ شیٹ سے فائدہ اٹھانے اور دینے والوں کے خلاف کارروائی کی جائے گی۔