ایک پی ڈی ایم اور کئی بیانیے شیرازہ بکھرنےکا واضح ثبوت ہے، شبلی فراز

وفاقی وزیر اطلاعات سینیٹر شبلی فراز نے پاکستان ڈیمو کریٹک موومنٹ(پی ڈی ایم) پر طنز کرتے ہوئے کہا ہے کہ ایک پی ڈی ایم اور کئی بیانیے ہیں۔
شبلی فراز کا کہنا ہے کہ بلاول کا عدم اعتماد پر زور ہے جب کہ احسن اقبال کے اس پر شکوک و شبہات ہیں اور مریم کا لانگ مارچ پر اصرار ہے۔
ان کا کہنا ہے کہ کئی بیانیے پی ڈی ایم کا شیرازہ بکھرنےکا واضح ثبوت ہے۔
وفاقی وزیر اطلاعات کا کہنا ہے کہ یہ شاہراہوں پر عوام کو گمراہ کرنے کے لیے نکلے تھے لیکن عوام کی جانب سے مسترد ہونے کے بعد واپس ایوانوں کا رخ کررہے ہیں۔