49 فیصد پاکستانی کورونا ویکسین لگوانے پر آمادہ نہیں، سروے رپورٹ

ایک سروے کے مطابق 49 فیصد پاکستانیوں کا کہنا ہےکہ وہ کورونا وائرس کی ویکسین دستیاب ہونے کے باوجود اسے نہیں لگوائیں گے۔
گیلپ پاکستان نے عوام کی آراء پر مبنی نیا سروے جاری کردیا ہے۔
سروے کے مطابق کورونا سے بچاؤ کی ویکسین دستیاب ہونے پر 38 فیصد پاکستانی ویکسین لگوانے کے لیے آمادہ ہیں جب کہ 49 فیصد نے انکار کیا ہے۔
سروے کے مطابق 31 فیصد افراد نے ملکی سطح پر تیار ویکسین کو پہلی ترجیح قرار دیا ہے۔
اس کے علاوہ 19فیصد افراد حکومت کی تجویز کردہ جب کہ 13 فیصد چینی ویکسین کو بہتر سمجھتے ہیں۔