لائن آف کنٹرول پر بھارتی گولہ باری سے تین افراد زخمی

 لائن آف کنٹرول پر بھارتی فوج بلا اشتعال فائرنگ وگولہ باری سے ایک خاتون سمیت تین افراد زخمی ہو گئے۔

لائن آف کنٹرول پر بھارتی فوج بلا اشتعال فائرنگ وگولہ باری سے جان بوجھ کر شہری آبادی کو نشانہ بنا رہی ہے جب کہ تتہ پانی اور جندروٹ سیکٹر میں بھارتی فوج نے اچانک گولہ باری شروع کر دی۔

تتہ پانی سیکٹرکے علاقہ درو شیر خان اور تاہی میں ایک خاتون سمیت تین افراد زخمی جبکہ جندورٹ سکیٹر میں گولہ باری سے خاتون سلیمہ ایوب زخمی ہوئی، گولہ باری سے ان علاقوں میں نظام زندگی مفلوج ہو کر رہ گیا، لوگ محفوظ پناہ گاہوں میں محصو ر ہوگئے۔

دوسری جانب پاک فوج نے بھرپور جوابی کارروائی کی جس سے دشمن کی توپیں خاموش ہو گئیں۔