پی ٹی آئی سے سینیٹ کا ٹکٹ کس کس کو ملے گا؟

حکمران جماعت تحریک انصاف سے سینیٹ کا ٹکٹ دیے جانے کے لیے ممکنہ امیدواروں کے نام سامنے آگئے۔

نجی ٹی وی کے مطابق پارلیمانی بورڈ ممبران نے سینیٹ الیکشن کے امیدواروں سے متعلق اپنی سفارشات وزیراعظم عمران خان کو پیش کردی ہیں۔

ذرائع کے مطابق وزیراعظم کے مشیربرائے داخلہ و احتساب شہزاد اکبر، معاون خصوصی برائے اوورسیز زلفی بخاری، ثانیہ نشتراور مشیر تجارت عبدالرزاق داؤد کے نام سفارشات میں شامل ہیں۔

اس کے علاوہ بورڈ نے سینیٹ الیکشن کے لیے بابر اعوان، سیف اللہ نیازی، ڈاکٹر زرقا اور نیلوفر بختیار کے نام بھی وزیراعظم کو دیے ہیں۔

وفاقی وزیراطلاعات سینیٹر شبلی فرازکو خیبرپختونخوا سے دوبارہ سینیٹر بنانے کی سفارش کی گئی ہے جب کہ مشیر خزانہ عبدالحفیظ شیخ اوراتحادی جماعت (ق) لیگ سے کامل علی آغا کا نام بھی سفارشات میں شامل ہے۔

چینل ذرائع کے مطابق پی ٹی آئی پارلیمانی بورڈ کی کارروائی حتمی مرحلے میں داخل ہوگئی ہے اور امیدواروں کے ناموں کی حتمی منظوری وزیراعظم آئندہ کچھ روز میں دیں گے۔