اورنگی ٹائون میں تبلیغی اجتماع اختتام پذیر۔2707جماعتوں کی تشکیل

کراچی تبلیغی اجتماع کا دوسرا حصہ بھی رقت آمیز دعا کے ساتھ اختتام پذیر ہو گیا۔ملکی سلامتی اورعالم اسلام کیلیے خصوصی دعا مانگی گئی۔

تبلیغی اجتماع سے2682جماعتیں چلے اورچارماہ کیلیے جبکہ22جماعتیں پیدل ایک سال کیلیے اور تین جماعتوں کی تشکیل بیرون ملک کیلیے کی گئی۔اجتماع سے کل 2707جماعتیں تشکیل دی گئی ہیں۔

کراچی کے علاقے اورنگی ٹائوں میں منعقد ہونے والا سالانہ تبلیغی اجتماع معروف تبلیغی بزرگ اورعالم دین مولانا خورشید کی دعا کے ساتھ اختتام پذیر ہو گیا،اجتماع کے دوسرے حصے میں ہزاروں افراد نے شرکت کی۔

اجتماع کے آخری روزنماز فجرکے بعد حاجی حشمت علی لاہوری کا خصوصی بیان ہوا،کرونا وائرس کے باعث اجتماع کو دو حصوں میں تقسیم کیا گیا تھا بلکہ محدود بھی کر دیا گیا تھا اور عام شہریوں کو اجتماع میں شرکت کی اجازت نہیں دی گئی۔