تحریک انصاف کے پانچ ایم پی ایز کا اسی ماہ پارٹی چھوڑنے کا دعویٰ

خرم لغاری نے دعویٰ کیا ہے کہ پی ٹی آئی سے 5 ایم پی ایز اور مشیر میرے ساتھ ہیں، وہ بھی میری طرح  اسی ماہ سینیٹ الیکشن سے پہلے پارٹی چھوڑنے دیں گے تاہم ہم سینیٹ کا ووٹ کسی کو نہیں دیں گے۔

خرم لغاری کا کہنا تھا کہ میرے مستعفی ہونے پر نوجوان خوش ہیں کیونکہ انھیں صرف دھرنوں کیلیے ہی استعمال کیا جاتا ہے اور کوئی عزت نہیں مل رہی۔ ضلع مظفر گڑھ میں آج تک کوئی یونیورسٹی نہیں بنی۔

ان کا کہنا تھا کہ ڈھائی سال میں صرف دس کروڑ فنڈ دیے گئے۔ تونسہ شریف کے حلقے میں 77 ارب دیے گئے۔ ڈھائی سال سے وزیراعلیٰ کو شکایت کر رہا ہوں۔ وزیراعظم سے ملنے کا وقت ملے تو انھیں شکایت کروں۔