شمالی وزیرستان۔خفیہ آپریشن میں 3 دہشتگرد مارے گئے

شمالی وزیرستان میں سیکیورٹی فورسز کے خفیہ آپریشن میں 3 دہشتگرد ہلاک ہو گئے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان کے علاقے میرعلی میں خفیہ اطلاع پر آپریشن کیا۔

آئی ایس پی آرکے مطابق خفیہ آپریشن دہشتگردوں کی مصدقہ موجودگی کی اطلاع پرکیا گیا، آپریشن میں علیم خان خوشالی گروپ کے 3 دہشت گرد ہلاک ہوئے۔شعبہ تعلقات عامہ کے مطابق دہشتگرد ٹارگٹ کلنگ، اغوا برائے تاوان، بھتہ خوری اور سیکیورٹی فورسز پر حملوں میں ملوث تھے۔