بانی ایم کیو ایم کی حالت پھر بگڑ گئی۔ ہسپتال منتقل

متحدہ قومی موومنٹ (ایم کیو ایم) کے بانی الطاف حسین کو سانس میں تکلیف کے باعث دوبارہ ہسپتال منتقل کردیا گیا، گزشتہ دنوں وہ کورونا کا شکار رہے جس کی وجہ سے ہسپتال میں زیرعلاج رہے ۔

نجی ٹی وی کے مطابق برنیٹ ہسپتال  میں دوران علاج الطاف حسین کی حالت تشویشناک تھی تاہم گزشتہ ہفتے ہی وہ کورونا سے صحتیاب ہوگئے تھے اورانہیں 13 فروری کو گھر منتقل کیا گیا تھا تاہم بانی ایم کیو ایم کی طبیعت ایک بار پھر خراب ہوگئی جس پر انہیں ہسپتال منتقل کردیا گیا ۔

گزشتہ روز شام سے الطاف حسین کو سانس میں تکلیف کا سامنا تھا جس پر انہیں دوبارہ ہسپتال منتقل کیا گیا۔