عمران خان کے خلاف شہباز شریف کی درخواست مسترد

لاہور ہائی کورٹ نے مسلم لیگ نون کے صدر شہباز شریف کے عمران خان کے خلاف ہتک عزت کے دعوے کے جلد فیصلے کے لیے دائر درخواست مسترد کردی۔

لاہور ہائیکورٹ کے جسٹس شمس محمود مرزا نے شہباز شریف کی درخواست پر سماعت کی، شہباز شریف کی جانب سے مصطفیٰ رمدے نے دلائل دیے۔

سماعت میں عدالت نے عمران خان کیخلاف ہتک عزت کے دعوے کا بروقت فیصلہ کرنے کی درخواست پر محفوظ فیصلہ سنا دیا۔

عدالت نے شہباز شریف کی درخواست پر دفتری اعتراض کو برقرار رکھتے ہوئے، درخواست مسترد کر دی۔عدالت نے شہباز شریف کو ڈی جی ڈسٹرکٹ جوڈیشری سے رجوع کرنے کا حکم دیا۔