خواہش ہے،تعلیمی ادارے کھلے رہیں۔ وفاقی وزیر تعلیم

 وفاقی وزیر تعلیم شفقت محمود نے تعلیمی ادارے کھلے رہنے کی خواہش کا اظہارکیا ہے۔

لاہور میں وفاقی وزیر تعلیم شفقت محمود نے میڈیا سے گفتگو کرتے ہوئے کہا کہ کورونا کی صورتحال میں متعدد اقدامات کیے، کورونا وبا کی بڑھتی شرح کے پیش نظر مختلف شہروں میں 2 ہفتوں کے لیے تعلیمی ادارے بند کیے، جو مشکل فیصلہ تھا، وزارت تعلیم کی خواہش ہے تعلیمی ادارے کھلے رہیں،آن لائن تعلیم سے بچے خوش نہیں، اس میں وہ بات نہیں جیسے کلاسز میں ہوتا ہے،24 مارچ کو دوبارہ اجلاس ہوگا جس میں جائزہ لیا جائے گا کہ تعلیمی ادارےکھولنےہیں یانہیں۔

شفقت محمود نے کہا کہ ملکی تعلیمی اداروں میں نصاب کے حوالے سے قوم تقسیم ہے، جسے ختم کرنے کے لیے حکومت نے یکساں تعلیمی نظام بنایا ہے جسے لاگو کرنے جارہے ہیں، پنجاب ،خیبرپختونخوااور دیگر صوبوں میں یکساں نظام تعلیم لایا جائیگا، یکساں نصاب پر سندھ کے تحفظات دورکررہے ہیں۔