عورت مارچ کے منتظمین کیخلاف مقدمہ درج کرنے کا حکم

پشاور۔مقامی عدالت نے 8 مارچ کو ہونے والے عورت مارچ کے منتظمین کیخلاف مقدمہ درج کرنے کا حکم دے دیا۔

نجی ٹی وی کے مطابق پشاورکی ایک مقامی عدالت میں درخواست گزار نے عورت مارچ منتظمین کیخلاف مقدمہ درج کرنے کے لیے درخواست دائرکی، جس میں مؤقف پیش کیا کہ عورت مارچ کے نام پر غیراسلامی حرکات کی گئیں اورعورت مارچ منتظمین نے صحابہ کرام کی شان میں گستاخی کی۔

عدالت نے درخواست منظورکرتے ہوئے عورت مارچ منتظمین کے خلاف ایف آئی درج کرنے کا حکم دے دیا۔