پولیس اہلکاروں پر تشدد میں ملوث مجرموں کو نشان عبرت بنادیں گے

وفاقی وزیر برائے سائنس و ٹیکنالوجی فواد چوہدری نے کہا ہے کہ پورے ملک میں تمام اہم شاہراہوں پر ٹریفک روانی سے جاری ہے، جتھوں سے ریاست نہ کبھی پہلے بلیک میل ہوئی نہ آئندہ ہوگی۔
سماجی رابطے کی ویب سائٹ ٹوئٹر پر اپنے پیغام میں فواد چوہدری نے کہا کہ جمہوریت میں مختلف حلقوں کو نقطہ نظرکی اجازت ہوتی ہے۔ حکومت کو بزور طاقت بلیک میل کوئی نہیں کرسکتا۔
انہوں نے کہا کہ پولیس اور اداروں پر تشدد میں ملوث مجرموں کو نشان عبرت بنایا جائے گا۔
فواد چوہدری نے کہا کہ پولیس اور سیکورٹی ادارے ہمارا فخر ہیں، ان کی عزت اور ناموس کا تحفظ ہر شہری پر ایسے ہی لازم ہے جیسے ریاست سے وفاداری کا اصول،،جن لوگوں نے یہ اصول پامال کیا وہ قومی مجرم ہیں اور ان سے وہی سلوک ہونا چاہئے۔