حب میں چوکی پر دستی بم سے حملہ، ایک بچے سمیت 2 افراد زخمی

بلوچستان کے صنعتی شہر حب میں نامعلوم افراد نے فورسز چوکی کو دستی بم حملے میں نشانہ بنایا اور فرار ہوگئے۔
ذرائع کے مطابق نامعلوم افراد نے گیٹرون کمپنی کے سامنے قائم ایف سی چیک پوسٹ پر دستی بم پھینکا جس کے بعد دھماکے کے نتیجے میں ایک بچے سمیت دو افراد زخمی ہونے کے اطلاعات ہیں۔
زخمیوں کو طبی امداد کے لئے ایمبولینس کے ذریعے حب سول ہسپتال منتقل کر دیا گیا ہے جبکہ سیکورٹی فورسز نے علاقے کو گھیرے میں لے کر مزید تفتیش شروع کردی ہے تاہم تاحال فورسز اہلکاروں کے جانی نقصانات کے حوالے سے کوئی معلومات فراہم نہیں کی گئی ہے۔