میں نے اسپیکرکو جو کہا حقیقت میں کہا۔ شاہد خاقان عباسی

رہنما مسلم لیگ نون شاہد خاقان عباسی کا کہنا ہے کہ میں نے اسپیکر کو جو کہا جذبات میں نہیں کہا، بلکہ حقیقت میں کہا ہے۔

پارلیمنٹ ہاؤس میں میڈیا سے گفتگو کرتے ہوئے نون لیگی رہنما شاہد خاقان عباسی نے کہاکہ ایوان بات کرنے کے لیے ہوتا ہے، کوئی بات نہیں کرنے دے گا تو اس کے لیے میرے پاس کوئی عزت نہیں ۔شاہد خاقان نے کہاکہ اسپیکر کے نوٹس کا جواب جلد دوں گا۔

واضح رہے کہ گزشتہ دنوں قومی اسمبلی اجلاس کے دوران سابق وزیراعظم شاہد خاقان عباسی اور اسپیکر قومی اسمبلی اسد قیصر کے درمیان تلخ کلامی ہوئی تو لیگی رہنما اسپیکر کے روسٹرم کے سامنے پہنچ گئے اور انہیں جوتا مارنے کی دھمکی دے دی۔