ملک کے 16شہروں میں فوج تعینات کر دی۔ترجمان

راولپنڈی میں میڈیا بریفنگ کے دوران  ڈی جی آئی ایس پی آر نے کہا کہ وبا کی شدت اور تیز رفتار پھیلاؤ سے اموات میں بھی تیزی سے اضافہ ہورہا ہے ۔

ڈی جی آئی ایس پی آر نے کہا کہ  اگر کورونا کی موجودہ صورتحال برقرار رہی تو انڈسٹری کے لیے مختص آکسیجن بھی صحت کے شعبے کےلیے دی جاسکتی ہے۔

انہوں نے کہا کہ ملک کے16شہروں میں فوج کو تعینات کر دیا گیا ہے، کورونا کی زیادہ شرح والے علاقوں میں پاکستان آرمی کی اضافی نفری تعینات کردی گئی ہے۔

ڈی جی آئی ایس پی آر نے کہا کہ پاکستان میں شرح اموات بڑھ کر 2.16 فیصد تک پہنچ چکی ہے ، ملک بھر میں پاکستان آرمی کو ارٹیکل 245 کے تحت سول اداروں کی معاونت کے لیے طلب کیا گیا ہے۔