ذلت مسلم لیگ ن کا مقدر بن چکی ہے۔قادر مندوخیل

این اے 249 کے ضمنی انتخاب میں کامیاب قرار پانے والے اور پاکستان پیپلزپارٹی کے رہنما قادر مندوخیل نے کہا کہ ذلت مسلم لیگ ن کا مقدر بن چکی ہے ، 6 مئی کو بھی پیپلزپارٹی ہی جیتے گی ۔

نجی ٹی وی کے مطابق قادر مندوخیل نے میڈیا سے گفتگو کرتے ہوئے کہا کہ مسلم لیگ ن نے پہلے کوئی شکایت نہیں کی ، فیصلے کے بعد رات ڈھائی بجے چیخنا شروع کیا،محمد زبیرکے دس اعتراضات ہیں ، ایک جگہ ٹھہرتے ہی نہیں ۔

قادر مندوخیل نے کہا کہ سندھ حکومت نے کورونا کی وجہ سے الیکشن ملتوی کرنے کا کہا تھا، مسلم لیگ ن نے کہا کہ پیپلزپارٹی بھاگ رہی ہے جبکہ خود مریم نوازنے کورونا کی وجہ سے اپنا جلسہ منسوخ کیا۔پی ٹی آئی اور مسلم لیگ ن نے نک مکا کیا ہے۔