میں مظلوم  فلسطینیوں کیساتھ کھڑی ہوں ۔ مریم نواز

مسلم لیگ ن کی نائب صدر مریم نواز نے اسرائیل کی بربریت سے متعلق کہا کہ اسرائیل کو انسانیت کے خلاف گھناؤنے جرائم کی اجازت کیسے دی جا سکتی ہے ؟ میں مظلوم  فلسطینیوں کیساتھ کھڑی ہوں ۔

سماجی رابطے کی ویب سائٹ ٹویٹر پر مریم نواز نے کہا کہ میں اقوام متحدہ سمیت دنیا کی تمام قوموں سے مطالبہ کرتی ہوں کہ اسرائیل کو اس کے ظلم و ستم سے باز کیا جائے ۔ انہوں نے کہا کہ یہ ایک انسانی المیہ ہے ۔

واضح رہے کہ صہیونی فورسز کی جانب سے فلسطین کے مختلف شہروں میں فضائی حملے کئے گئے ، اطلاعات کے مطابق ان حملوں میں اب تک  بچوں سمیت 25 فلسطینی شہید ہو چکے ہیں ۔